Құқықтық сауаттылық – адамның өз құқығын білуімен қатар, өзгенің де құқығына құрметпен қарауы. Заң талаптарын білетін азамат түрлі келеңсіз жағдайлардың алдын алып, өз мүддесін заңды жолмен қорғай алады. Ал құқықтық білімнің жеткіліксіздігі кейде адамның өзі байқамай құқық бұзушылыққа жол беруіне себеп болуы мүмкін.

Бүгінгі қоғамда әр азамат еңбек, отбасы, мүлік, тұтынушы және өзге де құқықтарына қатысты негізгі заң талаптарынан хабардар болғаны жөн. Әсіресе жастарға құқықтық білім берудің маңызы зор. Өйткені жас кезінен заңға құрметпен қарауды үйренген ұрпақ ертең жауапты қоғам мүшесіне айналады.

Құқықтық мәдениетті қалыптастыру – баршамызға ортақ міндет. Заңды білу, оны сақтау және қажет кезде заң көмегіне жүгіну азаматтың өз қауіпсіздігін қамтамасыз етуіне мүмкіндік береді.