Конституция – мемлекеттің саяси-құқықтық жүйесін айқындайтын, азаматтардың құқықтары мен міндеттерін белгілейтін басты құжат. Қоғам мен заман өзгерген сайын елдің даму бағыттарын құқықтық тұрғыдан жетілдіру мәселесі де күн тәртібіне шығады. Осы тұрғыдан алғанда, Жаңа Конституция жөніндегі қоғамдық талқылаулар мен түсіндіру жұмыстарының маңызы зор.

Конституциялық өзгерістердің мазмұнын түсіну үшін әр азамат ұсынылып отырған нормалармен танысып, олардың қоғам өміріне ықпалын зерделеуі қажет. Құқықтық сауатты пікір қалыптастыру, ресми ақпаратқа сүйену және қоғамдық талқылауға саналы түрде қатысу – азаматтық ұстанымның көрінісі.