Заң – қоғамдағы тәртіпті қалыптастыратын ғана емес, әр азаматтың құқығы мен мүддесін қорғайтын негізгі тетік. Адам өз құқығын қаншалықты жақсы білсе, түрлі жағдайларда өз ұстанымын соншалықты дұрыс қорғай алады.
Кейде азаматтар қандай да бір мәселе туындағанда өзіне тиесілі құқықтарды білмегендіктен, тиісті мекемеге жүгінуге немесе заңды жолмен мәселені шешуге қиналады. Ал құқықтық сауаттылық адамның күнделікті өмірінде маңызды рөл атқарады. Еңбек қатынасы, білім алу, медициналық қызмет, мүлік, тұтынушы құқығы немесе мемлекеттік қызмет көрсету болсын – әр саланың өзіндік құқықтық тәртібі бар.