Райымбек ауданының әлеуметтік-экономикалық дамуы ауыл шаруашылығы, кәсіпкерлік, туризм және инфрақұрылым салаларымен тығыз байланысты.

Алматы облысы әкімдігінің мәліметінше, аудан тұрғындарының негізгі күнкөрісі ауыл шаруашылығымен байланысты. Сонымен бірге соңғы жылдары туризм бағыты қарқынды дамып келеді. Хан Тәңірі етегінде жазғы маусымда 300-ден астам киіз үй туристерге қызмет көрсетеді. Қарасаз, Сарыжаз, Жамбыл және Қақпақ ауылдарында қонақжай қызметін көрсететін 17 үй ашылған.