2025 жылғы 8 қыркүйекте Мемлекет басшысы Қасым-Жомарт Тоқаев Қазақстан халқына «Жасанды интеллект дәуіріндегі Қазақстан: өзекті мәселелер және оны түбегейлі цифрлық өзгерістер арқылы шешу» атты Жолдауын жариялады. Президент Жолдауында әлемнің жаппай цифрландыру мен жасанды интеллект дәуіріне қадам басқанына назар аударып, Қазақстан үшін технологиялық өзгерістерге бейімделудің маңызын атап өтті. (Akorda.kz⁠)

Мемлекет басшысы Қазақстанды үш жыл ішінде жаппай цифрлық елге айналдыруды стратегиялық мақсат ретінде белгіледі. Осы бағытта экономиканы жаңғыртуда жасанды интеллект технологияларын кеңінен енгізу, цифрландыру үдерістерін жүйелеу және тиісті заңнамалық базаны қалыптастыру міндеттері айтылды.