Алкоголь – адам ағзасына кері әсер ететін зиянды заттардың бірі. Оны шамадан тыс пайдалану денсаулыққа ғана емес, адамның әлеуметтік жағдайына, отбасылық қарым-қатынасына және еңбек өнімділігіне де теріс ықпал етеді. Алкоголь жүйке жүйесін әлсіретіп, жүрек-қан тамырлары ауруларының, бауыр сырқаттарының және басқа да көптеген дерттердің пайда болу қаупін арттырады. Сонымен қатар, мас күйінде жасалған құқық бұзушылықтар мен жол-көлік оқиғалары қоғам қауіпсіздігіне үлкен қатер төндіреді.Алкогольдің зиянын азайтудың ең тиімді жолы – салауатты өмір салтын ұстану. Спортпен шұғылдану, пайдалы әдеттерді қалыптастыру, бос уақытты тиімді өткізу және отбасы құндылықтарын дәріптеу жастарды зиянды әдеттерден сақтайды. Әрбір адам өз денсаулығына жауапкершілікпен қарап, алкогольдің салдары туралы терең түсінгенде ғана қоғамда дені сау, белсенді әрі саналы ұрпақ қалыптасады. Денсаулық – ең қымбат байлық, оны сақтау әркімнің өз қолында.