Қазіргі таңда еліміздің дамуы тек экономикалық жетістіктермен ғана емес, халықтың әл-ауқаты мен өмір сүру сапасының жақсаруымен де өлшенеді. Осы орайда әлеуметтік саланың маңызы зор. Әлеуметтік саясат – мемлекет пен қоғам арасындағы өзара қарым-қатынасты реттейтін басты бағыттардың бірі. Сондықтан да бұл сала әрдайым басты назарда болуы тиіс. Қоғамның дамуы мен тұрақтылығы тікелей әлеуметтік саясаттың тиімділігіне байланысты. Әлеуметтік сала – бұл адамның өмірімен тығыз байланысты ең маңызды бағыттардың бірі. Ол білім беру, денсаулық сақтау, әлеуметтік қорғау, тұрғын үймен қамтамасыз ету сияқты түрлі қызмет түрлерін қамтиды. Мемлекет тарапынан бұл саланың дамуына ерекше көңіл бөлінуде, себебі әрбір азаматтың әл-ауқаты – ел болашағының кепілі. Әлеуметтік сала – халықтың білім алуын, денсаулық сақтауын, жұмыспен қамтылуын, әлеуметтік көмек пен тұрғын үй жағдайларын қамтитын кең ауқымды жүйе. Қазақстан Республикасында бұл саланы дамытуға ерекше мән беріліп келеді. Мемлекетіміз халықтың әлсіз топтарын, атап айтқанда, көпбалалы отбасыларды, мүмкіндігі шектеулі, зейнеткерлер мен жастарды қолдауға бағытталған түрлі бағдарламалар мен жеңілдіктерді іске асырып жатыр. Сонымен қатар, денсаулық сақтау мен білім беру жүйелерін жаңғырту арқылы ел азаматтарының сапалы қызметке қол жеткізуі қамтамасыз етілуде.
Соңғы жылдары «Халық үніне құлақ асатын мемлекет» қағидаты бойынша көптеген бастамалар қолға алынды. Жаңа әлеуметтік жобалар арқылы ауыл тұрғындарының да өмір сүру сапасы жақсарып келеді. Мұның бәрі елдегі тұрақтылық пен халықтың сенімін нығайтуға ықпал етеді. Қазақстанда әлеуметтік саясат мемлекеттің басым бағыттарының біріне айналды. Бұл ретте үкімет халықтың әлеуметтік осал топтарын қолдау, жұмыссыздықты азайту, жастар мен зейнеткерлерге жағдай жасау сияқты көптеген шараларды қолға алуда. Мысалы, біздің ауданда «Жастар тәжірибесі», «Алғашқы жұмыс орны», «Күміс жас», «Әлеуметтік жұмыс орындары» сияқты жобалар арқылы жұмыссыз азаматтарға, әсіресе жастар мен зейнет жасына таяған азаматтарға қолдау көрсетіліп, оларды еңбек нарығына бейімдеу бағытында жұмыстар атқарылуда. Сонымен қатар, атаулы әлеуметтік көмек жүйесі арқылы аз қамтылған отбасыларға жәрдем көрсетілуде. Мұның бәрі қоғамның әлсіз мүшелерін қолдау арқылы әлеуметтік теңдікті қамтамасыз етуге бағытталған. Бұдан бөлек, жастар саясаты да әлеуметтік саланың бір бағыты болып табылады. Жастардың білім алып, еңбек нарығында өз орнын табуына мүмкіндік беретін бағдарламалар – елдің болашағына жасалған инвестиция.
Қорыта айтқанда, әлеуметтік сала – елдің болашағын айқындайтын басты бағыттардың бірі. Бұл саланы дамыту – тек үкіметтің ғана емес, барша қоғамның ортақ міндеті. Әлеуметтік сала – халық пен мемлекеттің арасындағы алтын көпір. Бұл сала неғұрлым әділ, ашық және қолжетімді болса, қоғамда соғұрлым тұрақтылық пен сенім орнайды. Сондықтан еліміздің, ауданымыздың өсіп өркендеуінде әлеуметтік саланың алатын орны ерекше. Әлеуметтік әділеттілік пен қолжетімді қызметтер – кез келген мемлекеттегі тұрақтылық пен дамудың кепілі. Сондықтан да әлеуметтік сала әрдайым басты назарда болуға тиіс.
Талғат АҚЫЛОВ,
аудандық мәслихаттың депутаты