Қазіргі қоғамда заң мен тәртіптің сақталуы — мемлекетіміздің тұрақтылығы мен тұғырлы дамуының басты негізі болып табылады. Мемлекеттің ең жоғары заңдық күші бар актісі ретінде заң қоғамдық қатынастарды реттеп, әрбір азаматтың құқығын қорғайды. Құқықтық мемлекет қалыптастыру жолында елдің ертеңі мен қозғаушы күші саналатын жас буынның рөлі ерекше. Жастардың заң талаптарын білуі, оны қастерлеуі және бұлжытпай орындауы — өркениетті қоғамның басты шарты.