ЦИФРЛАНДЫРУ – УАҚЫТ ТАЛАБЫ, АУЫЛҒА ЖАҢА МҮМКІНДІК

Бүгінде технология адам өмірінің ажырамас бөлігіне айналды. Бұрын бірнеше күн немесе апта уақытты қажет ететін көптеген жұмыс қазір санаулы минутта орындалады. Құжат рәсімдеу, мемлекеттік қызмет алу, төлем жасау, ақпарат іздеу, қашықтан білім алу – мұның барлығы цифрлық технологиялардың күнделікті өмірге дендеп енгенін көрсетеді.

Қазақстан үшін бұл бағыттың маңызы ерекше. Мемлекет басшысының Жарлығымен 2026 жыл Цифрландыру және жасанды интеллект жылы болып жарияланды. Негізгі мақсат – цифрлық технологиялар мен жасанды интеллектіні мемлекеттік басқарудан бастап экономика, білім, денсаулық сақтау, ауыл шаруашылығы секілді маңызды салаларға кеңінен енгізу.