Тұрмыстық зорлық-зомбылық – адамның өміріне, денсаулығына, ар-намысы мен қадір-қасиетіне қауіп төндіретін құқық бұзушылық. Ол тек дене күшін қолданумен шектелмейді, сонымен қатар психологиялық, экономикалық және басқа да қысым көрсету түрлерін қамтиды. Мұндай әрекеттер отбасының берекесін бұзып, қоғамның тұрақтылығына кері әсерін тигізеді.Тұрмыстық зорлық-зомбылықтың алдын алу – мемлекеттің ғана емес, бүкіл қоғамның ортақ міндеті. Әрбір азамат заң талаптарын сақтап, өзара сыйластық пен жауапкершілікті жоғары қоюы қажет. Отбасында құрмет пен түсіністік орнаған жерде зорлық-зомбылыққа орын жоқ. Қауіпсіз әрі берекелі қоғам құру – әрқайсымыздың азаматтық парызымыз.