Қоғамның дамуы мен мемлекеттің өркендеуі ең алдымен заңның үстемдігі мен қоғамдық тәртіптің сақталуына байланысты. Заң мен тәртіп – кез келген елдің тұрақтылығының, азаматтардың қауіпсіздігі мен құқықтарының қорғалуының басты кепілі. Сондықтан заң талаптарын сақтау әрбір азаматтың міндеті ғана емес, ел алдындағы жауапкершілігі болып табылады.Заң – мемлекет пен қоғам арасындағы қарым-қатынасты реттейтін негізгі құқықтық құрал. Ол азаматтардың құқықтары мен бостандықтарын қорғап қана қоймай, олардың міндеттерін де айқындайды. Егер қоғам мүшелері заң талаптарын бұлжытпай орындаса, қоғамдық тәртіп нығайып, құқық бұзушылықтар азаяды. Ал заңға бағынбау түрлі келеңсіз жағдайларға, құқықтық жауапкершілікке және қоғамдағы тұрақсыздыққа алып келеді.Қазіргі таңда елімізде заң үстемдігін қамтамасыз ету бағытында ауқымды жұмыстар атқарылуда. Құқық қорғау органдары қоғамдық қауіпсіздікті сақтау, құқық бұзушылықтардың алдын алу және азаматтардың құқықтарын қорғау жолында қызмет етуде. Сонымен қатар құқықтық мәдениетті қалыптастыру мақсатында түрлі түсіндіру шаралары ұйымдастырылып келеді. Бұл жұмыстар халықтың құқықтық сауаттылығын арттырып, заңға деген құрметті күшейтуге бағытталған.Әсіресе жастар арасында құқықтық тәрбие беру маңызды. Өйткені бүгінгі жас буын – елдің болашағы. Жастар заңды біліп, өз құқықтары мен міндеттерін түсінген жағдайда қоғамдағы тәртіптің нығаюына үлес қосады. Мектептерде, колледждерде және жоғары оқу орындарында құқықтық білім беру арқылы жас ұрпақтың заңға құрметпен қарауы қалыптасады.Қоғамдық тәртіпті сақтау тек құқық қорғау органдарының ғана емес, әрбір азаматтың ортақ міндеті. Тазалық сақтау, жол қозғалысы ережелерін орындау, қоғамдық орындарда мәдениетті болу, өзгенің құқығын құрметтеу – мұның барлығы тәртіптің көрінісі. Әрбір адам өз іс-әрекетіне жауапкершілікпен қараған жағдайда қоғамда өзара сыйластық пен сенім артады.Заң мен тәртіптің сақталуы экономикалық дамуға да оң әсер етеді. Қауіпсіз әрі тұрақты ортада кәсіпкерлік дамып, инвестиция тартуға мүмкіндік көбейеді. Ал құқықтық мемлекет қағидаттары берік орныққан елде халықтың мемлекетке деген сенімі жоғары болады.Бүгінде Қазақстанда «Заң және Тәртіп» қағидаты мемлекеттік саясаттың маңызды бағыттарының біріне айналды. Оның басты мақсаты – әділетті қоғам қалыптастырып, әрбір азаматтың құқығы мен қауіпсіздігін қамтамасыз ету. Бұл міндетті жүзеге асыру үшін мемлекеттік органдар мен қоғам бірлесе әрекет етуі қажет.Қорытындылай келе, заң мен тәртіп – ел тыныштығы мен тұрақтылығының негізі. Заңды құрметтеу, құқықтарды сақтау және қоғамдық тәртіпті нығайту арқылы ғана біз қауіпсіз әрі өркениетті қоғам қалыптастыра аламыз. Әр азамат заң талаптарын орындауды өзінен бастаса, еліміздің болашағы жарқын, қоғамымыздың дамуы баянды болмақ.

Мұхаметжанов Дидар Нұрболұлы

Райымбек ауданының әкімінің орынбасары