Құрметті аудан тұрғындары!Заң мен тәртіп – кез келген мемлекеттің дамуы мен өркендеуінің басты кепілі. Қоғамда заңның үстемдігі орнаған жерде әділдік салтанат құрып, азаматтардың құқықтары мен бостандықтары сенімді қорғалады. Сондықтан заң талаптарын сақтау әрбір азаматтың міндеті ғана емес, ел алдындағы жауапкершілігі болып табылады.Бүгінде мемлекетіміз құқықтық мәдениетті қалыптастыруға, қоғамдық қауіпсіздікті қамтамасыз етуге және құқық бұзушылықтардың алдын алуға ерекше көңіл бөлуде. Бұл бағыттағы жұмыстар ауданымызда да жүйелі түрде жүзеге асырылып келеді. Құқық қорғау органдары, мемлекеттік мекемелер және қоғамдық ұйымдар бірлесе отырып, тұрғындардың қауіпсіздігі мен тыныштығын қамтамасыз ету жолында аянбай еңбек етуде.Заң мен тәртіпті сақтау тек мемлекеттік органдардың ғана емес, бүкіл қоғамның ортақ міндеті. Әрбір азамат қоғамдық орындарда тәртіп сақтап, өз құқықтарымен қатар өзгенің де құқығына құрметпен қарауы қажет. Әсіресе жас ұрпаққа құқықтық тәрбие беру, оларды отансүйгіштікке және жауапкершілікке баулу маңызды.Татулық пен тұрақтылықты ту еткен ауданымызда заңға құрмет пен тәртіпке жауапкершілік әрдайым жоғары болуы тиіс. Бірлігімізді нығайтып, заң талаптарын сақтай отырып, қауіпсіз әрі дамыған қоғам құру жолында бірге еңбек етейік.

Құдабаев Дастан Сұлтанмұратұлы

Райымбек ауданының әкімі