Балалар еңбегінің кез келген нысаны олардың денсаулығына, білім алуына және толыққанды дамуына кері әсер етеді. Сондықтан балалардың құқықтарын сақтау және қорғау мәселесі халықаралық деңгейде де, ұлттық деңгейде де ерекше назарда болуы тиіс. Бұл бағыттағы жұмыстардың негізгі мақсаты – әрбір баланың қауіпсіз балалық шаққа деген құқығын қамтамасыз ету, олардың сапалы білім алуына, жан-жақты дамуына және қоғам өміріне белсенді қатысуына қолайлы жағдай жасау.Балалар – елдің болашағы мен стратегиялық ресурсы. Сол себепті олардың құқықтары мен заңды мүдделерін қорғау мемлекет саясатының басым бағыттарының бірі болып табылады. Балалардың еңбек қанауына ұшырауы олардың физикалық және психологиялық дамуына теріс әсер етіп қана қоймай, әлеуметтік теңсіздіктің тереңдеуіне де себеп болуы мүмкін. Осыған байланысты балалар еңбегінің алдын алу мәселесі кешенді әрі жүйелі тәсілді талап етеді.Қазақстан балалардың құқықтарын қорғау жөніндегі халықаралық міндеттемелерді дәйекті түрде орындап келеді. Заңнаманы жетілдіру, әлеуметтік қорғау шараларын күшейту және бақылау тетіктерін дамыту арқылы мемлекет балалар еңбегінің алдын алуға бағытталған кешенді саясат жүргізуде. Сонымен қатар, балалардың құқықтық сауаттылығын арттыруға, олардың қауіпсіздігін қамтамасыз етуге және қолайсыз өмірлік жағдайларға тап болған отбасыларға қолдау көрсетуге ерекше көңіл бөлінуде.Балалар еңбегімен күрес тек мемлекеттік органдардың міндеті емес, бұл – бүкіл қоғамның ортақ жауапкершілігі. Ата-аналар, білім беру ұйымдары, жұмыс берушілер, үкіметтік емес ұйымдар және азаматтық қоғам өкілдері балалардың құқықтарын қорғау ісіне белсенді атсалысуы қажет. Бірлескен күш-жігердің нәтижесінде ғана әрбір балаға қауіпсіз орта, сапалы білім және жарқын болашақ қамтамасыз етіледі. Балалардың құқықтарын қорғау – әділетті, өркениетті және тұрақты қоғам құрудың маңызды кепілі.

Балжан Омарова,

Аудандық аналар кеңесінің төрайымы