Есірткіге тәуелділік адамның денсаулығына ғана емес, оның отбасы мен қоғамдағы орнына да орасан зор зиян келтіреді. Сондықтан нашақорлықтың алдын алу – әрбір азаматтың, ата-ананың және мемлекеттік органдардың ортақ міндеті.Есірткі заттарын қолдану адамның жүйке жүйесін зақымдап, психикалық және физикалық тәуелділікке алып келеді. Уақыт өте келе адам өз денсаулығынан айырылып, оқуына, жұмысына және айналасындағы адамдармен қарым-қатынасына немқұрайлы қарай бастайды. Көптеген қылмыстар мен құқық бұзушылықтардың да түп-тамырында есірткіге тәуелділік жатады.Әсіресе жастар арасында нашақорлықтың таралуы үлкен алаңдаушылық туғызады. Қызығушылық, достардың ықпалы немесе өмірлік қиындықтар кейбір жасөспірімдерді есірткі қолдануға итермелеуі мүмкін. Сондықтан жастарға салауатты өмір салтын насихаттау, спортпен айналысуға жағдай жасау және олардың бос уақытын тиімді ұйымдастыру маңызды.Нашақорлықпен күресте отбасының рөлі ерекше. Ата-аналар балаларының тәрбиесіне көңіл бөліп, олардың ортасын бақылап, ашық әңгіме жүргізуі қажет. Сонымен қатар білім беру мекемелері мен құқық қорғау органдарының бірлескен жұмысы да оң нәтиже береді.Есірткі – уақытша қызығушылықтың емес, өмірлік қателіктің бастауы. Әр адам өз денсаулығы мен болашағына жауапкершілікпен қарап, зиянды әдеттерден аулақ болуы тиіс. Салауатты өмір салтын таңдау – жарқын болашақтың кепілі.