Мемлекет дамып, қоғам өзгерген сайын негізгі заңды да заман талабына сай жетілдіру қажеттілігі туындайды. Осындай маңызды өзгерістерді халықтың өз таңдауы арқылы қабылдау – демократияның ең жарқын көрінісі.Референдум – бұл тек заңға өзгеріс енгізу ғана емес, сонымен қатар халық пен мемлекет арасындағы сенімді нығайтатын маңызды қадам. Әр азамат өз дауысы арқылы елдің болашағына ықпал ете алады. Бұл қоғамдағы жауапкершілік пен белсенділікті арттырады.Конституция – кез келген мемлекеттің тірегі, оның саяси, құқықтық және әлеуметтік жүйесінің негізі. Сондықтан оны жетілдіру – елдің тұрақты дамуына бағытталған дұрыс шешім. Референдум арқылы халықтың пікірін ескеру мемлекет басқару жүйесінің ашық әрі әділ екенін көрсетеді.Осындай маңызды кезеңде әрбір азаматтың белсенділігі ерекше рөл атқарады. Референдумға қатысу – бұл өз еліңнің болашағына бейжай қарамайтыныңды білдіреді. Сондықтан конституциялық референдумды қолдау – тұрақты, әділетті және дамыған қоғам құру жолындағы маңызды қадам.

Болатбекова Майгүл

Сарыжаз ауылдық округінің Аналар кеңесінің мүшесі