Қазақстан Республикасында интернет кеңістігін пайдалану арқылы бөтеннің мүлкін жымқыру немесе алдау жолымен қаражатын иемдену әрекеттері Қазақстан Республикасы Қылмыстық кодексінің 190-бабы («Алаяқтық») бойынша қылмыстық жауаптылыққа әкеп соғады. Заңнамада интернет-алаяқтық ауырлататын мән-жай ретінде қарастырылып, қылмыскердің әрекеті ҚК 190-бабының 2-бөлігі 4-тармағы (ақпараттық жүйені пайдаланушыны алдау немесе сенімін теріс пайдалану жолымен жасалған алаяқтық) бойынша сараланады. Бұл бапқа сәйкес, кінәлі тұлғаға мүлкі тәркіленіп, 4000 айлық есептік көрсеткішке (АЕК) дейін айыппұл салу, 1000 сағатқа дейін қоғамдық жұмыстарға тарту немесе 4 жылға дейін бас бостандығын шектеу не сол мерзімге бас бостандығынан айыру жазасы тағайындалады.