Қазақстан цифрландыру деңгейі бойынша әлемдік аренада жетекші орындардың біріне ие және қазіргі уақытта цифрлық инфрақұрылымы қарқынды дамыған заманауи мемлекет болып танылады. БҰҰ-ның электрондық үкіметті дамыту индексі (UN E-Government Survey) бойынша еліміз әлемде 24-орында және онлайн-қызметтер көрсету сапасы бойынша алғашқы ондықтың (ТОР-10) қатарына кіреді. Тәуелсіздік жылдарындағы мемлекеттік реформалар мен инновациялық шешімдердің нәтижесінде цифрландыру халықтың күнделікті өміріне, банк секторына, статистика жүйесіне және өнеркәсіп саласына терең енді. Отандық цифрландырудың қазіргі деңгейін бірнеше маңызды бағыттар арқылы біртұтас жүйе ретінде сипаттауға болады.