Интернет кеңістігінде алаяқтықтың әдіс-тәсілі күн сайын өзгеріп келеді. Жалған инвестициялық ұсыныстар, банк қызметкері болып хабарласу, ұтыс туралы жалған хабарламалар арқылы азаматтардың сеніміне кіру жиілеген. Алаяқтардың басты мақсаты – адамның асығыстығы мен сенімін пайдалану. Сондықтан ешкімге банк картасының деректерін, құпия кодтарды және жеке мәліметтерді беруге болмайды. Күмәнді ұсынысты тексеріп, кез келген қаржылық әрекетке ойланып бару – интернеттегі қауіпсіздіктің басты шарты.