Конституция – мемлекеттің құқықтық негізін айқындайтын басты құжат. Онда азаматтардың негізгі құқықтары мен бостандықтары, мемлекет пен қоғамның өзара жауапкершілігі бекітіледі. Сондықтан Конституцияға құрметпен қарау – заңға және ел болашағына құрметпен қараудың белгісі.

Жаңа Конституция қабылданған жағдайда, оның негізгі нормаларын халыққа түсіндіру, азаматтардың құқықтары мен міндеттерін білуіне жағдай жасау маңызды. Әр азамат конституциялық өзгерістердің мәнін түсініп, ел дамуына қатысты өз жауапкершілігін сезінуі қажет.

Құқық үстемдігі, әділдік, азаматтардың теңдігі мен заң алдындағы жауапкершілік – тұрақты әрі қауіпсіз қоғамның негізі. Конституцияны білу – өз құқығыңды білуден басталады.