Әр адам заң талаптарына сәйкес өзіне тиесілі мүлікті иеленуге, пайдалануға және оған билік етуге құқылы. Үй, жер, көлік немесе басқа да мүлік азаматтың меншігіне заңды жолмен өткен жағдайда, оның құқықтары мемлекет тарапынан қорғалады. Меншік иесі өз мүлкін заң шеңберінде пайдаланып, оны басқа адамдардың құқықтары мен заңды мүдделеріне зиян келтірмей басқаруы тиіс.Жеке меншікті қорғау үшін азаматтардың мүлікке қатысты құжаттарын дұрыс рәсімдеп, маңызды құжаттарды қауіпсіз жерде сақтауы қажет. Өзгенің мүлкіне заңсыз қол сұғу – жауапкершілікке әкелетін әрекет. Сондықтан әр азамат өз меншігіне ұқыпты қарап қана қоймай, басқа адамның да мүліктік құқығын құрметтеуі керек. Жеке меншікке деген құрмет пен заң талаптарын сақтау – қоғамдағы құқықтық тәртіп пен тұрақтылықтың маңызды негіздерінің бірі.