Қоғамдағы тұрақтылық пен азаматтардың қауіпсіздігі заң талаптарының сақталуына тікелей байланысты. Заң – баршаға ортақ талап. Оны сақтау арқылы әр адам өз құқығын қорғап қана қоймай, айналасындағы адамдардың да еркіндігі мен тыныштығына құрмет көрсетеді. Тәртіп орнаған жерде адамдардың мемлекетке деген сенімі де арта түседі.
Заң мен тәртіпті қамтамасыз ету тек құқық қорғау органдарына жүктелетін міндет емес. Әр азаматтың жауапкершілігі, құқықтық сауаты және қоғамдық тәртіпке деген көзқарасы маңызды. Күнделікті өмірде заңды сақтау, құқық бұзушылыққа жол бермеу және өзгенің құқығын құрметтеу – қауіпсіз қоғам қалыптастырудың басты шарттары.