Зорлық-зомбылық – адамның өмірі мен денсаулығына, ар-намысы мен құқықтарына қауіп төндіретін қоғамдағы өзекті мәселелердің бірі. Оның кез келген түрі – физикалық, психологиялық, экономикалық немесе жыныстық қысым – заңмен қудаланады және адам құқығын өрескел бұзу болып саналады.Зорлық-зомбылықтың алдын алу – әрбір азаматтың ортақ міндеті. Отбасында өзара сыйластық пен түсіністікті нығайту, құқықтық сауаттылықты арттыру және қиын жағдайға тап болған жандарға дер кезінде көмек көрсету – қауіпсіз қоғам қалыптастырудың маңызды қадамдары. Зорлық-зомбылыққа үнсіз қалмай, заң аясында әрекет ету – әркімнің азаматтық борышы.