Алкогольді ішімдіктерді шамадан тыс тұтыну адам денсаулығына зиян келтіріп қана қоймай, отбасы берекесінің бұзылуына, еңбек өнімділігінің төмендеуіне және түрлі құқық бұзушылықтардың орын алуына себеп болуы мүмкін. Сондықтан салауатты өмір салтын ұстану әрбір азамат үшін маңызды.Маскүнемдіктің алдын алу үшін жастар арасында түсіндіру жұмыстарын жүргізіп, спортпен шұғылдануға және пайдалы әдеттерді қалыптастыруға көңіл бөлу қажет. Денсаулық – адам өміріндегі ең үлкен байлық, сондықтан әркім өз өмірі мен болашағына жауапкершілікпен қарауы тиіс.