Конституциялық реформа жөніндегі комиссияның кезекті отырысы ұсынылып отырған өзгерістердің стратегиялық бағыттылығын растады. Мемлекеттік саясаттың негізгі басымдықтары ретінде адами капиталды, білім беруді, ғылым мен инновацияларды дамытуға баса назар аудару ерекше маңызды болып табылады.
Конституциялық сот төрағасының орынбасары Бақыт Нұрмұханов атап өткендей, аталған ережелер ауқымды қоғамдық талқылаулардың нәтижесі болды және жалпыға ортақ қолдауға ие болды. Бұл қоғамдық сұраныстың жетілгендігін және елдің тұрақты дамуы азаматтардың біліміне, ғылымына және зияткерлік әлеуетіне инвестициялармен тікелей байланысты екенін білдіреді.
Бұл бағыттарды конституциялық деңгейде бекіту мемлекетті ұзақ мерзімді дамыту, білім беру сапасын арттыру және болашаққа бағдарланған бәсекеге қабілетті экономиканы қалыптастыру үшін берік негіз болады.

Аудандық Аналар кеңесінің төрағасы Омарова Балжан Әбуқызы