Арнайы ғылыми анықтамаға сәйкес, атом энергиясы- ядролық реакциялардан және радиоактивті ыдырау кезінде босатылатын энергия. Ал атом электр станциясы- сол ядролық энергияны (атомдық энергия) пайдаланып электр энергиясын өндіретін өнеркәсіптік кәсіпорын. Атом электр станциялары жайлы түсінігімізді әріден бастап, тарихқа бойласақ, Атом электр станциясынан энергия өндіруді әлемдік аренада алпауыт елдер 1940 жылдардан бастаған. Бұл елдер бүгінде едәуір жетістікке жетіп отыр. Біздің еліміз де атом электр станциясын салу арқылы едәуір қыжалаттан шығары дәлелді. Дегенмен, халықтың көпшілігі үрейлі. Арнайы сарапшылардың айтуынша, үрейленуге салмақты себеп жоқ, себебі, егер атом электр станциясы салынар болса, онда қауіпсіздік мәселесі бірінші қолға алынбақ.