Жүргізуші куәлігін заңсыз жолмен сатып алу — тек заң бұзушылық емес, сонымен қатар жол қозғалысының басқа қатысушыларының өмірі мен денсаулығына тікелей қауіп төндіретін ауыр қылмыс. Жол ережесін білмейтін және көлік жүргізу машығы жоқ адамның рөлге отыруы жол-көлік оқиғаларының (ЖКО) көбеюіне әкеледі.
Бүгінде Қазақстанда «Заң мен тәртіп» қағидаты аясында жүргізуші куәлігін беру процесі қатаң цифрлық бақылауға алынып, жалған құжат жасаушылар мен пара берушілерге қарсы күрес күшейтілді.