Қоғамдық тәртіптің сақталуы әр азаматтың ұстанымына байланысты. Кейде адамдар күнделікті өмірде кездесетін ұсақ құқық бұзушылықтарға мән бермей, оны қалыпты жағдай ретінде қабылдауы мүмкін. Алайда мұндай немқұрайлылық тәртіптің әлсіреуіне әкеледі. Заң талаптарын сақтау, қоғамдық орындарда әдептілік таныту, өзгенің мүлкіне зиян келтірмеу – азаматтық мәдениеттің көрінісі. Құқық бұзушылықтың алдын алу үшін қоғамда заңға деген құрмет пен жауапкершілік қатар қалыптасуы қажет.