Қазіргі таңда ең ауыр әрі ірі көлемдегі алаяқтықтарды арнайы жабдықталған халықаралық қылмыстық топтар жүзеге асырады. Олар көбіне шетелдерде (мысалы, ТМД, Оңтүстік-Шығыс Азия елдерінде) жасырын «колл-орталықтарын» құрып, заманауи IP-телефония мен нөмірді ауыстыру технологияларын қолданады. Бұл топтардың құрамында психологтар, ІТ-мамандар және операторлар жұмыс істейді. Олар өздерін «Ұлттық банк қызметкері», «полиция капитаны» немесе «қауіпсіздік қызметі» ретінде таныстырып, адамдарды жүйелі түрде алдайды.