Нашақорлық – адамның болашағын бұлыңғыр етіп, өмірлік мүмкіндіктерін шектейтін қауіпті тәуелділік. Бір сәттік қызығушылық немесе айналаның теріс ықпалы орны толмас өкінішке ұласуы мүмкін. Әсіресе жастар арасында есірткіге қарсы иммунитет қалыптастыру маңызды. Бұл ретте отбасы тәрбиесі, мектептегі түсіндіру жұмыстары және жастармен жүйелі байланыс ерекше рөл атқарады. Жас ұрпаққа есірткінің зиянын айтып қана қоймай, бос уақытын тиімді өткізуге, спорт пен өнерге, білімге бағыт берудің маңызы зор.