Мемлекет басшысы Қасым-Жомарт Тоқаевтың 2023 жылғы 1 қыркүйектегі «Әділетті Қазақстанның экономикалық бағдары» атты Қазақстан халқына Жолдауында агроөнеркәсіп кешенінің әлеуетін арттыру, ауыл өнімдерін өңдеу және экономиканы әртараптандыру мәселелері көтерілді.
Ауыл шаруашылығын дамыту – елдің азық-түлік қауіпсіздігін қамтамасыз ететін маңызды бағыт. Шикізат өндірумен шектелмей, оны дайын өнімге айналдыру кәсіпкерлердің табысын арттырып, жаңа жұмыс орындарын ашуға мүмкіндік береді. Әсіресе, Райымбек ауданы секілді ауыл шаруашылығына бейім өңірлер үшін өнімді өңдеу мен нарыққа шығарудың маңызы зор. Ауылдағы өндірістің дамуы – ел экономикасының нығаюына қосылған нақты үлес.