Заң мен тәртіп ұғымын тек құқық қорғау органдарының қызметімен байланыстыру жеткіліксіз. Оның бастауы – әр адамның күнделікті әрекетінде. Қоғамдық орында тазалық сақтау, өзгенің құқығын құрметтеу, кезекте тәртіп бұзбау, жол ережесін орындау – заңға деген құрметтің қарапайым көріністері.
Қоғамның мәдениеті адамдардың бір-біріне деген қарым-қатынасынан байқалады. Өз құқығын талап еткен азамат өзгелердің де құқығы бар екенін ұмытпауы керек. Өйткені тәртіп бір адамның талабымен емес, баршаға ортақ ережеге деген жауапкершілікпен қалыптасады.