Қоғамдағы қауіпсіздік пен тыныштық әр адамның іс-әрекетіне тікелей байланысты. Бір азаматтың заң талаптарын бұзуы басқа адамдардың құқықтары мен қауіпсіздігіне әсер етуі мүмкін. Сондықтан заңды сақтау – ортақ жауапкершілік.

Мемлекет құқық бұзушылықтың алдын алу, азаматтардың құқықтарын қорғау және қоғамдық тәртіпті қамтамасыз ету бағытында жүйелі шаралар жүргізуде. Бұл ретте профилактикалық жұмыстың маңызы ерекше.

Құқық бұзушылық орын алғаннан кейін ғана әрекет ету жеткіліксіз. Оның себептерін ерте анықтап, алдын алу – қоғам үшін тиімді бағыттардың бірі. Отбасы, мектеп, мемлекеттік органдар және қоғамдық ұйымдар бұл жұмыста бірлесіп әрекет еткенде нәтиже де жоғары болады.

Әр азамат «заңды бұзбасам болды» деген ұстаныммен ғана шектелмей, айналасындағы қоғамдық тәртіпке де жауапкершілікпен қарағаны жөн.

Заңға құрмет күнделікті әдетке айналғанда ғана қоғамда қауіпсіздік пен өзара сыйластық орнығады.