Дегенмен одан арылуға және қалыпты өмірге оралуға мүмкіндік бар. Емделу ең алдымен адамның өз еркімен көмекке жүгінуінен басталады. Мамандардың бақылауымен жүргізілетін медициналық ем, психологиялық қолдау және оңалту бағдарламалары тәуелділікті жеңуге көмектеседі. Әр адамның жағдайына қарай емдеу тәсілі жеке таңдалады.Нашақорлықтан арылу – бір күнде аяқталатын процесс емес, уақыт пен тұрақты қолдауды қажет етеді. Бұл кезеңде отбасының түсіністігі мен жақындарының қолдауы маңызды рөл атқарады. Ең бастысы – тәуелділіктен зардап шеккен адамды кінәламай, кәсіби мамандардан көмек алуға бағыттау. Уақтылы басталған ем мен оңалту адамның денсаулығын қалпына келтіріп, қоғамға қайта бейімделуіне мүмкіндік береді.