Адам өз құқығын білмесе, түрлі құқық бұзушылықтың құрбанына айналуы мүмкін. Сондықтан құқықтық сауаттылықты арттыру – қоғам қауіпсіздігін қамтамасыз етудің маңызды тетігі. Әсіресе жастарға, балаларға және қарт адамдарға заң талаптары мен өз құқықтарын түсіндіру жұмыстарының маңызы зор.

Құқықтық білім тек заңгерлерге қажет деген түсінік ескірді. Бүгінде еңбек қатынасынан бастап, интернеттегі қауіпсіздікке дейін әр азамат заңнаманың негізгі талаптарын білуі керек. Құқығын білетін адам алаяқтыққа, зорлық-зомбылыққа немесе басқа да заңсыз әрекеттерге тап болған жағдайда қайда және қалай жүгіну керектігін де жақсы түсінеді.