Қауіпсіз әрі жайлы қоғам құру үшін заң талаптарын сақтау маңызды. Заң адамның құқығын қорғап қана қоймай, қоғам мүшелерінің арасындағы қарым-қатынасты реттейді.
Құқық бұзушылықтың алдын алуда әр азаматтың әрекеті маңызды. Заңсыз әрекетке немқұрайлы қарамау, қоғамдық тәртіпті сақтау, өзгенің құқығына құрметпен қарау – азаматтық жауапкершіліктің белгісі.
Қауіпсіздік ең алдымен күнделікті қарапайым әдеттерден басталады. Жол ережесін бұзбау, қоғамдық орында тәртіп сақтау, бөтеннің мүлкіне қол сұқпау және заң талаптарын орындау – қоғамға қосылған үлкен үлес.
Заң мен тәртіп орныққан мемлекетте азаматтардың ертеңгі күнге деген сенімі артады. Сондықтан заңды сақтау – тек міндет емес, өзіміздің және айналамыздағы адамдардың қауіпсіздігін қамтамасыз етудің маңызды жолы.