Цифрлық технологиялардың дамуына байланысты интернет алаяқтық фактілері де жиілеп келеді. Алаяқтар жалған хабарламалар, әлеуметтік желілер мен телефон қоңыраулары арқылы азаматтардың жеке деректері мен қаражатын иемденуге тырысады.

Бейтаныс адамдарға банк картасының мәліметін, SMS-кодтарды немесе құпия сөздерді айтуға болмайды. Күмәнді сілтемелерге өтпеу және ақпаратты ресми дереккөздер арқылы тексеру – қауіпсіздіктің басты шарты.

Қырағылық танытып, қарапайым қауіпсіздік ережелерін сақтау арқылы интернет алаяқтарының құрбаны болудан сақтануға болады.