Қазақстан Республикасының Қылмыстық кодексі (заңға сілтеме) азаматтардың жалдамалылық пен шетелдік қарулы қақтығыстарға қатысуына байланысты жауапкершілікті белгілейді:170-бап. ЖалдамалылықЖалдамалыларды жалдау, оқыту, қаржыландыру немесе өзге де материалдық жағынан қамтамасыз ету, сондай-ақ оларды қарулы қақтығыстарда, әскери іс-қимылдарда немесе Қазақстан Республикасының конституциялық құрылысын құлату не мемлекеттің аумақтық тұтастығын бұзу мақсатындағы өзге де зорлық-зомбылық әрекеттерде пайдалану.Жаза: 7 жылдан 20 жылға дейін бас бостандығынан айыру, кей жағдайларда – өмір бойына, мүлікті тәркілеумен және азаматтығынан айырумен не онсыз.172-бап. Шетелдік қарулы қақтығыстарға қатысу.Қазақстан Республикасының азаматының жалдамалылық белгілері болмаған кезде шет мемлекеттің аумағындағы қарулы қақтығысқа немесе әскери іс-қимылдарға қасақана заңсыз қатысуы.Жаза: 5 жылдан 9 жылға дейін бас бостандығынан айыру.Неге бұл маңызды:Мұндай әрекеттер елдің қауіпсіздігіне нұқсан келтіреді, азаматтардың өміріне қатер төндіреді және Қазақстанның халықаралық міндеттемелерін бұзады.Есіңізде болсын: мұндай құқықбұзушылықтар үшін жауапкершілік сөзсіз. Заңды сақтайық, қоғамдағы тыныштықты бағалайық!Райымбек аудандық прокуратурасы