Көпшілік ғаламторда жасалған қылмыс ізін жасырып кетеді деп қателеседі. Қазіргі таңда киберполиция кез келген фейк аккаунт пен жалған шоттың иесін жылдам анықтай алады. Заң бойынша интернет-алаяқтықпен айналысқан адамдарға ірі көлемде айыппұл салынады, мүлкі тәркіленеді немесе ұзақ жылдарға бас бостандығынан айыру жазасы тағайындалады. Алаяқтардың құрбаны болған жағдайда бірден банкке хабарласып, құқық қорғау органдарына арыз жазу қажет.

