Мемлекеттің қуаты оның экономикалық көрсеткіштерімен ғана емес, сол экономикалық өсімнің әрбір азаматтың өміріне қаншалықты оң өзгеріс әкелгенімен өлшенеді. Халықтың тұрмыс сапасы, әлеуметтік қызметтердің қолжетімділігі, сапалы инфрақұрылым мен тұрақты жұмыспен қамту – ел дамуының нақты нәтижесін айқындайтын негізгі өлшемдер. Президент Қасым-Жомарт Тоқаевтың жуырдағы Қазақстан халқына Жолдауында осы мәселелерге басымдық берілуі ел дамуының жаңа кезеңінде әлеуметтік жауапкершіліктің маңызы арта түскенін көрсетеді.