Мемлекеттің қуаты тек экономикалық көрсеткіштермен немесе инфрақұрылымдық жетістіктермен өлшенбейді. Оның шынайы әлеуеті – азаматтарының құқығы қаншалықты қорғалатынынан, қоғамда әділдік қағидатының қаншалықты орныққанынан және заң талаптарының баршаға бірдей орындалуынан көрінеді. Сондықтан құқықтық тәртіпті нығайту – ел дамуының негізгі шарттарының бірі.

Мемлекет басшысы Қасым-Жомарт Тоқаев 2024 жылғы 2 қыркүйектегі Қазақстан халқына Жолдауында «Әділетті Қазақстан: заң мен тәртіп, экономикалық өсім, қоғамдық оптимизм» бағытын айқындап, қоғамда заң үстемдігін қамтамасыз етудің маңызын атап өтті. Бұл ұстаным мемлекеттік органдардың ғана емес, әрбір азаматтың да жауапкершілігін арттыруды көздейді. .

Заң мен тәртіп ұғымын тек құқық бұзушылыққа жаза қолданумен шектеуге болмайды. Оның мәні – құқық бұзушылықтың алдын алу, азаматтардың заңды мүддесін қорғау және адамдардың бір-біріне деген құрметін қалыптастыру. Егер қоғам мүшелері өз құқығын біліп қана қоймай, өзг