Құқық бұзушылықтың алдын алу – қоғамдық қауіпсіздікті қамтамасыз етудің маңызды бағыты. Көп жағдайда заң талаптарын білмеу, жауапсыздық және өз әрекетінің салдарын бағаламау келеңсіз жағдайларға әкеледі. Сондықтан тұрғындар арасында түсіндіру жұмыстарын жүргізу, жастардың құқықтық сауаттылығын арттыру және азаматтардың заң алдындағы жауапкершілігін ұғындыру қажет. Әрбір құқық бұзушылыққа бейжай қарамай, оның алдын алуға атсалысу – ортақ міндет. Сонымен қатар қоғамдық орындардағы тәртіпті сақтау, өзгенің мүлкіне қол сұқпау және жанжалдарды бейбіт жолмен шешу мәдениетін қалыптастыру маңызды. Заң үстемдік еткен қоғамда азаматтардың қауіпсіздігі нығайып, өзара сенім артады. Тәртіпті сақтау – әр адамның өзінен басталатын жауапты қадам.