Қоғамда әр адамның құқығы қорғалуы үшін белгіленген заң талаптары қатаң сақталуы қажет. Заңды бұзу бір адамның ғана емес, айналасындағы адамдардың да қауіпсіздігіне әсер етуі мүмкін. Осыған байланысты құқықтық мәдениетті қалыптастыру – уақыт талабы. Азаматтар өз құқықтарын біліп қана қоймай, өз міндеттерін де жауапкершілікпен орындауы тиіс. Әсіресе жастар арасында құқық бұзушылықтың алдын алу, бос уақытты тиімді ұйымдастыру, спорт пен қоғамдық жұмыстарға тарту маңызды. Заң талаптарын орындау қорқыныштан емес, азаматтық сана мен ішкі жауапкершіліктен туындауы керек. Заңға бағынған қоғамда тәртіп сақталып, адамдардың мемлекетке деген сенімі нығая түседі.