Кей жағдайда азаматтар түрлі келісімдер мен құжаттардың мазмұнына толық үңілмей, қол қоя салады. Алайда кез келген құжаттың заңдық мәні болуы мүмкін.
Шарт, өтініш, сенімхат немесе басқа да ресми құжатқа қол қоймас бұрын оның талаптарын мұқият оқып, түсініксіз тұстарын анықтап алған жөн. Қажет болған жағдайда маманның кеңесіне жүгіну де артық емес. Құжатқа мұқият қарау – кейін туындауы мүмкін даудың алдын алудың қарапайым жолы.