Тұрмыстық зорлық-зомбылық – отбасы мүшесінің ар-намысына, денсаулығына немесе қауіпсіздігіне зиян келтіретін ауыр мәселе. Оның физикалық күш көрсету, психологиялық қысым жасау, қорқыту, экономикалық шектеу сияқты түрлері болуы мүмкін. Мұндай әрекеттерді «отбасылық мәселе» деп үнсіз қалдыруға болмайды.

Әр адам қауіпсіз өмір сүруге және өз құқықтарының қорғалуына құқылы. Зорлық-зомбылыққа тап болған немесе оған куә болған азаматтар жағдайды елемей қалмай, тиісті көмекке жүгінгені маңызды. Отбасындағы сыйластық, өзара түсіністік пен жауапкершілік – берік отбасының негізі.

Зорлық-зомбылықтың алдын алу тек құқық қорғау органдарының міндеті емес. Бұл – отбасының, білім беру ұйымдарының, қоғамның және әр азаматтың ортақ жауапкершілігі. Зорлыққа жол бермеу – заңды құрметтеу ғана емес, адам өмірі мен қадір-қасиетін қорғау.