Тұрмыстық қақтығыстар көбіне отбасындағы түсініспеушілік, ашу-ыза, қызғаныш немесе әлеуметтік қиындықтар салдарынан туындайды. Алайда қандай жағдай болса да, жанжалдың соңы күш көрсетуге, қорқытуға немесе қорлауға ұласпауы тиіс. Отбасы – адам өзін қауіпсіз сезінетін орта болуы керек.

Қақтығыстың алдын алудың басты жолы – мәселені сабырмен шешу, бір-бірін тыңдау және қажет жағдайда мамандардан көмек сұрау. Әсіресе балалардың көзінше жанжал шығармау маңызды, өйткені отбасындағы зорлық-зомбылық олардың психологиялық жағдайына кері әсер етуі мүмкін.

Әр азамат өз құқығын білуге және өзгенің құқығын құрметтеуге міндетті. Тұрмыстық жанжалға немқұрайлы қарамай, зорлық-зомбылықтың алдын алу – қауіпсіз әрі берекелі қоғам қалыптастырудың маңызды шарты.