Қазіргі таңда интернет алаяқтық қоғамдағы өзекті мәселелердің біріне айналды. Алаяқтар жалған хабарлама, қоңырау немесе әлеуметтік желідегі парақшалар арқылы азаматтарды алдап, ақша мен жеке мәліметтерді иемденуге тырысады.

Бейтаныс адамдарға банк картасының нөмірін, парольді, SMS арқылы келген кодты айтпау қажет. Күмәнді сілтемелерге өтпей, ақпаратты тек ресми дереккөздер арқылы тексерген жөн.

Алаяқтықтың алдын алудың ең тиімді жолы – сақтық пен құқықтық сауаттылық. Ақпаратты тексермей, асығыс шешім қабылдамаңыз.