Тұрмыстық зорлық-зомбылық – жеке отбасының ғана емес, тұтас қоғамның мәселесі. Отбасындағы күш көрсету, қорқыту, қорлау немесе психологиялық қысым адамның құқығы мен қадір-қасиетіне нұқсан келтіреді. Әсіресе мұндай жағдайға балалардың куә болуы олардың психологиялық жағдайына кері әсер етуі мүмкін. Сондықтан отбасындағы кез келген зорлық әрекетіне немқұрайлы қарамай, оның алдын алу маңызды.

Зорлық-зомбылыққа қарсы күресте қоғамның құқықтық сауаттылығының маңызы зор. Жәбірленуші өзінің заңмен қорғалатынын біліп, қажет болған жағдайда көмекке жүгінуден қорықпауы керек. Ал айналасындағылар зорлық фактісіне бейжай қарамай, тиісті мамандар мен органдарға хабарлауы қажет. Отбасы – қауіпсіздік пен мейірімнің мекені болуы тиіс.