Нарынқол, 20 тамыз 2026 жыл Райымбек ауданы, Нарынқол ауылы, №763 сайлау учаскесі

Аудандық Аналар кеңесінің төрайымы, ардагер ұстаз, Райымбек ауданының «Құрметті азаматы», Ыбырай Алтынсарин атындағы медальдің иегері Балжан Омарова Құрылтайда дауыс беріп, ел өміріне қатысты маңызды қоғамдық бастамаға өз таңдауын білдірді.Өмірінің елеулі бөлігін білім беру саласына арнаған ардагер ұстаз үшін ел болашағы мен өскелең ұрпақтың келешегі қашанда басты құндылықтардың бірі. Бүгінде аудандық Аналар кеңесін басқара отырып, ол отбасы құндылықтарын дәріптеу, ұрпақ тәрбиесі, қоғамдық келісім мен азаматтық жауапкершілікті арттыру бағытында белсенді қызмет атқарып келеді.Құрылтайдағы дауыс беру барысында Б. Омарова өзінің азаматтық ұстанымын білдіріп, елдің қоғамдық өміріне әр азаматтың белсенді қатысуы маңызды екенін атап өтті.«Еліміздің болашағы — баршамызға ортақ жауапкершілік. Әр азамат қоғамда болып жатқан маңызды мәселелерге бейжай қарамай, өз азаматтық ұстанымын білдіруі қажет. Құрылтайдағы дауыс беру — ел дамуына қатысты өз пікіріңді білдіруге берілген маңызды мүмкіндік», — деді Б. Омарова.Ардагер ұстаздың қоғамдық қызметі мен өмірлік тәжірибесі кейінгі буынға үлгі болып келеді. Білім саласындағы ұзақ жылғы еңбегі мен қоғамдық қызметі үшін «Ауданның құрметті азаматы» атанып, Ыбырай Алтынсарин атындағы медальмен марапатталуы — оның ел игілігі жолындағы еңбегінің айқын дәлелі.Балжан Омарованың Құрылтайдағы дауыс беруге қатысуы — азаматтық жауапкершіліктің, ел болашағына деген жанашырлықтың және қоғамдық белсенділіктің көрінісі.Ел дамуына өз үлесін қосып жүрген ардагер ұстаз Балжан Омароваға зор алғыс білдіреміз!