- Алматы облысында аманаттықтар бір аптада 16 млн теңгеге оқушыларды мектепке даярлады
- Алматы облысында 1200 бала «AMANAT» партиясынан оқу жылына қажетті жиынтық алады
- Алматы облысы: Аманаттықтар 350 оқушыны мектепке қажетті заттармен қамтамасыз етті
«Баланы мектепке дайындайық!» республикалық акциясы аясында «AMANAT» партиясының мүшелері 350-ге жуық баланы мектепке қажетті құрал-жабдықтармен, мектеп формасымен қамтамасыз етті.
Игі шара партияның «Бақытты отбасы» жобасы аясында өтіп жатыр. Бұл акция жыл сайын дәстүрлі түрде ұйымдастырылып келеді. Мақсаты – әлеуметтік тұрғыдан аз қамтылған отбасылардың балаларын мектепке даярлауға қолдау көрсету.
Акцияның алғашқы күні Қонаев қаласында өтті. Бұл күні AMANAT партиясының мүшелері 45 балаға мектеп формасын, оқулықтарды, сөмкелерді және кеңсе тауарларын табыстады.
AMANAT партиясы Алматы облыстық филиалының атқарушы хатшысы Ерлан Жакуповтың айтуынша, мұндай игі шаралар облыстың барлық аудандарында жалғасын табуда.
«Мектеп жасындағы бүлдіршіндерге жаңа оқу жылы басталар алдында қуаныш сыйлап, оқушыларды керек-жарағымен қамтып келе жатқан акция биыл да жалғасын тауып отыр. Бұл қайырымдылық акциясы бір рет қана өткізілетін іс-шара емес, өңір тұрғындарының әл-ауқатын арттыруға бағытталған партияның ауқымды жүйелі жұмысының бір бөлігі. Мәселен, бес күн ішінде фракция мүшелері 16 млн теңгеден аса соммаға 350-ге жуық баланы мектепке даярладық. Науқан соңына дейін 1 200 оқушыны қамтуды жоспарлап отырмыз», – деді Ерлан Жакупов.
Айта кету керек, партиялықтар жаңа оқу жылына дейін мұндай шараны бірнеше мәрте ұйымдастыруды жоспарлап отыр. Бұған мәслихаттардағы «AMANAT» партиясының депутаттық фракция мүшелері атсалысуда.
«AMANAT» партиясы
Алматы облыстық филиалының
