Кез келген дамыған мемлекеттің басты белгісі – оның азаматтарының құқықтық сауаттылығы. Әлемдік заңнамада ертеден келе жатқан «Заңды білмеу жауапкершіліктен босатпайды» (Ignorantia juris non excusat) деген алтын қағида бар. Бұл дегеніміз – адам қандай да бір заңды немесе ережені білмей бұзса да, ол бәрібір жауапқа тартылады.
Сондықтан әрбір азамат өзінің құқықтарын ғана емес, міндеттерін де білуі тиіс. Құқықтық мәдениеті жоғары қоғамда жемқорлық деңгейі төмендеп, қылмыс азаяды және адам құқықтары жоғары деңгейде қорғалады.